Banjir

Pas Liburan, aku karo nyaiku dolan nang omahe Mbake nyaiku Nang Magetan. Menge aku gak tau metu ngulon, oponeh nang Magetan, tapi aku yakin mesti ngerti... ngko nek kesasar yo takok wong... alhamdulillah aku gak kesasar soali saurunge aku ndelok peta nang GoogleEarth.... sesoke aku nang Sarangan bareng karo Keluargane Mbake Nyaiku + anake pembantune pisan, nangkono aku asline pengen numpak Jaran, tapi gak keturutan soale aku isin karo Bojone Mbake Nyaiku jenenge Mas Mamat. akhire aku numpak Prahu ae bar kui aku terus njajal sate klinci tapi sakno Nyaiku ternyata gak oleh mangan, akhire tak siasati ben gak pengen de'e mangan sate ayam ae..
Sesoke aku langsung muleh nang Bojonegoro tepate deso Manukan kecamatan Kalitidu, omahe Wongtuaku kandung. budal ko magetan jam >7 teko omah jam <9 lewat Ngawi. pasaku uuuadoh dadak ueeedek...
Pas nang Manukan aku ndelok berita nang tv "kota Solo dan Madiun banjir karena air bengawan solo meluap"... wah nek Solo karo Madiun berarti nang kene yo apene beno(banjir)... tapi aku gak yakin soale tak pikir banyune gak sampe teko kene wis sat kan diserat karo alas nang kidule Jenogoro, ternyata salah sesoke tenan beno nang ngarep omahku/Omahe Bapaku.
Masiho wis beno tapi wong2 podo nyante soale dipikir sedelo ngkas mesti banyune sat, ternyata sampe sore banyune gak gelem sat, malah tambah akeh. omahe wong ngarep omahku wis klebon wonge bingung ngeleh(mindahno) bekakase sak Sapi-sapine pisan. aku ambek kluargaku yo nyante tak pikir omahku gak sampe klebon, akhire dino sesoke omahku ijek bertahan tapi pas awane mulai mlebu lewat ngguri, pas Mboke(Ibuku tersayang) masak urung sampe mateng digudag banyu akhire kompore dipindah nang nduwur mejo, aku karo Nyaiku ambek adiku (Esti Putri Palupi diceluk Lupi) ngelehi bekakas2 seng nang ngisor. Banyune terus nambah-terus nambah-terus nambah sampe sak dodoku...
Dasar Nyaiku wong setengah kota gak tau ngalami beno, De e wedi karo banyu aku pusing... soale anakku wis ono nang njero rahime... akhire aku nggoleh prahu ape tak nggo ngeterno Nyaiku nang Babat (Omahe Morotuo), tapi suwi sampe sore lagek oleh prahu pesenane Masku (Kukuh P) kuipun oyok2an (rebutan) tonggo2 khususe rondo2 seng wis tuek podo kateng Jlerit podo ape melok numpak Prahu. tapi tukang prahune nolak soale wis gak amot (penuh) wedi nek nggoleng.. akhire podo nanges ambek ngenteni prahu lewat. atiku miris kudu nangis batinku... endi pemerintah iki kok gak eneng sing peduli karo wargane... terpaksa aku ninggal montor kesayananku.. kebanjiran nang omah..